သူမ ထိုင်ငေးနေတဲ့ ပြတင်းပေါက်နံဘေး တိမ်ရိပ်တွေက ခပ်စိပ်စိပ်လေး ပြေးလွှားနေကြတယ်။ မျက်စိတဆုံး ငေးနေမိတဲ့ ခပ်မှိုင်းမှိုင်းကောင်းကင်ကနေ တာလွှတ်လိုက်သော အပြေးသမားတွေနှယ် သည်မိုးစက်ပေါက်တို့က သူမ လက်လေးတွေပေါ် အဲဒီကနေတဆင့် သူမ မျက်နှာပေါ် ခပ်ဖွဖွ ဦးခိုက်တယ်။ သည်မိုးစက်တွေလိုပဲ သူမရဲ့  အတွေးတွေ စိတ်ကူးလေးတွေ အသက်ရှုသံတွေက တဆင့် အဆင့်ဆင့်နဲ့ သူမ နှလုံးသားတစ်ခုလုံးကိုတောင် သိမ်းပိုက်ခဲ့တဲ့ ပုံရိပ်တစ်ခုရှိတယ်။ ရှိခဲ့ဖူးတယ်လေ။
လွမ်းလိုက်တာလို့ တစ်ကိုယ်တည်းကြားနိုင်မယ် အသံမျိုးနဲ့ သူမ ရေရွတ်လိုက်မိတယ်။ တချိန်က နှစ်ကိုယ်ကြား ပြောခဲ့ဖူးတဲ့ အချိန်တွေကတော့ ဟိုးဝေးဝေးမှာ တိတိကျကျပြောရရင် ဟိုးခပ်ဝေးဝေးဆီက မိုးရာသီတခုထဲမှာ ကျန်ခဲ့ပြီလေ။
အတိတ်ဆိုတာ တရိပ်ရိပ်ပြန်ပြောင်းတွေးရမယ့် အရာမဟုတ်မှန်း သိပါရဲ့ နဲ့ သူမ မလိုက်နာနိုင်ခဲ့ပါဘူး။ ဘာလို့လဲဆိုတော့ သူမဘ၀ထဲက အပြီးအပိုင် နှုတ်ဆက်သွားတဲ့ လူတစ်ယောက်ကို အဲဒီ အတိတ်ခါးခါးမှာပဲ မြင်တွေ့ နိုင်တော့လို့ပါ။
သည်အလွမ်းတွေရဲ့  အတိမ်အနက်ဟာ ဘယ်လောက်နက်သလဲဆိုတာ သူ ဘယ်တော့မှ မသိနိုင်တော့ပါဘူး။ သည်အလွမ်းတွေရဲ့  အနောက်မှာ ကွယ်ဝှက်ထားတဲ့ တစုံတရာကိုလဲ သူ ဘယ်တော့မှ သိမြင်နိုင်တော့မှာ မဟုတ်ပါဘူး။ သူ သိပါစေရယ်လို့လဲ ဆုမတောင်းဖြစ်ခဲ့ပါဘူး။ ၀န်ခံပါတယ်လေ တခါတရံမှာ သက်ဆိုင်သူကို သိစေချင်တဲ့ ခပ်ရိုးရိုးအတွေးလေးတော့ ရှိခဲ့ဖူးပါရဲ့ ။ ဒါပေမဲ့လဲ ...... တနယ်တကျေးရဲ့  ရင်ခွင်လွှာမှာ ပျော်ရွှင်စွာ အသားကျနေပြီဖြစ်တဲ့ သူ့ ကို စိတ်အနှောင့်ယှက် မဖြစ်စေချင်တော့ပါဘူး။
မိုးစက်လေးတွေက သိပ်ကို ပိုင်စိုးပိုင်နင်းဆန်လိုက်တာ ကြည့် ပါဦး သူမ မျက်နှာတစ်ခုလုံး ရွှဲစိုမတတ်ဖြစ်နေပြီ....။
တကယ့်တကယ်တမ်းတော့ အပြင်လောကရဲ့  မိုးစက်ပေါက်တွေက တပ်ခေါက်သွားတာကြာလှပေါ့။ သည်မျက်နှာပေါ်က စိုစွတ်နေဆဲ အခြေအနေတခုကတော့ အပြင်လောကရဲ့  ၀သာန်မိုးနဲ့ လားလားမှမဆိုင်တဲ့ ..... မျက်ရည်ဆိုသောအရာ။ မဟောင်းသေးတဲ့ သူမရင်ခွင်ထဲက မိုးရာသီကတော့ သည်းလို့ကောင်းတုန်း ........။
မြရိပ်ဇင် (ဆေး-၂)
3 comments:
မိုးရာသီကို ကြိုက်တယ်.. ဒါပေမဲ့ မိုးအရမ်းချိန်းရင်တော့ ကြောက်တယ်.. အနားမှာတစ်ယောက်ယောက်မရှိရင် ငိုမိရေား)
အဲဒီ မိုးစက်ပေါက်....
တစ်ခါတခေါက်လောက်
နောက်တစ်ဖန် ကျရောက် နိုင်ပါသေးတယ်လေ....။
မင်းဧရာ
Post a Comment
စာမူခပေးသွားသူတွေက...