ပြင်သစ်နိုင်ငံရဲ့ မြို့လေးတစ်မြို့မှာ ဖြစ်တယ်.... အချိန်ကား .... ညီအစ်ကို မသိတသိ အချိန် ... ဂျွန် ဟု ခေါ်သော လူတစ်ယောက် ခပ်သုတ်သုတ် လမ်းလျှောက်နေသည်... သူ့မျက်နှာကား စိတ်လှုပ်ရှားဟန် အပြည့်နှင့် ....
လမ်းတစ်လျှောက်ရှိ လူများ သူ့ကို သတိမထားမိသည့်တိုင်အောင် ဂျွန် တစ်ယောက် ဟိုသည် ကျီးကန်းတောင်းမှောက် ကြည့်လျက် ... လျှောက်နေတုန်း.... ညကား ပီပြင်လာသည်နှင့်အမျှ သူလျှောက်နေသည်မှာလည်း လမ်းတစ်လျှောက်ကား ဆုံးခါနီးနေပြီထင့်... လူတစ်ယောက်စ နှစ်ယောက်စ ခန့်ပင် မြင်ရတော့မှ ဂျွန် သက်ပြင်းသံ သဲ့သဲ့ ချရင်း အသက်၀၀ ရှုလိုက်သည်....
ဂျွန် တစ်ယောက် ခါတိုင်းနဲ့မတူ ထူးထူးခြားခြား ဖြစ်နေရခြင်းမှာ သူ ဒီနေ့ ပွပေါက်တိုးခဲ့ သည် ဟု ဆိုရမည်... အလုပ်က အပြန်လမ်းတွင် ဂျွန် ညည်းသံသဲ့သဲ့ ကြားလိုက်ရသည်.... အသံလာရာ သို့ရောက်သော် . . . ဓါးတန်းလန်းဖြင့် လူတစ်ယောက် ကို ဘေးတွင် အတက်ချီကေ့စ် Attaching case တစ်လုံးနဲ့အတူ တွေ့လိုက်ရသည်...ထိုသူ အနားတွင်မူ အနက်ရောင် ကုတ် အင်္ကျီနဲ့ လူတစ်ယောက် မှောက်လျက်လဲကျ နေသည်ကို တွေ့ရသည်... ညည်းသံကြားရသည်မှာ ဓါးတန်းလန်းနဲ့ လူဆီမှ ဖြစ်သည်
ဂျွန် တစ်ယောက် အခြေအနေကို သဘောပေါက်ပြီးနောက် ထိုသူ ဘေးမှ ကေ့စ်ကို လှမ်းယူပြီး ဖွင့်လိုက်သည်... အထဲတွင်မတော့... သူ သေချာပင် မမြင်ဖူးသော ငွေပမာဏကို အစီအရီ ထည့်ထားတာ တွေ့လိုက်သည်. ညည်းသံပေးသော ဓားတန်းလန်းနဲ့ လူက အကြောင်းစုံ ပြောနေသည် သူ့ဆီမှ ဓါးထောက်ပြီး ငွေလုရာ ပြန်လည် ထိုးကြိတ်ရင်း ခုလို ဓါးဒဏ်ရာ ဖြင့် နှစ်ယောက်လုံး လဲနေကြောင်း သူ့အား ဆေးရုံသို့ ပို့ပေးရန် အကူအညီတောင်းနေသည်
ဂျွန် ထိုနေရာမှ ဝေးရာသို့ အလျင်အမြန်ဆုံး ပြေးထွက်လာလိုက်သည် ငွေပါသည့် အိတ်နှင့် အတူပေါ့.... အနောက်မှာ ဘယ်လိုဖြစ်ကျန်ခဲ့မလ်ဲသူ ခန့်မှန်းလို့ရသည် .... သို့ပေမယ့် ကံတရားက ပေးသော လက်ဆောင်ကို သူ ဘာလို့ငြင်းရမလဲ... အခွင့်အရေးဆိုတာ ပေးတုန်းလေး ယူထားရမှာလို့ ဂျွန်က ခံယူထားသည်.... သူ ငါးကြော်မကြိုက်သော ကြောင်မိုက်မဖြစ်ချင်... ကိုယ်ချင်းစာတရားတွေ ထောက်ထားညှာတာမှု တွေဆိုတာ ဘာလဲ သူ သေချာလည်း မသိချင် သူ တင်နေသော အကြွေးတွေလောက် အရေးမကြီးတဲ့ အရာတွေ သူ ဂရုမစိုက်ချင်..
သူ့ရဲ့ မဖြစ်ညစ်ကျယ် လစာနဲ့ ရှားပါးတဲ့ ဘောနပ်စ် ကို စဉ်းစားမိသည်... အရင်က သူ့ဝင်ငွေဟာ အကြွေးတွေ တင်ရလောက်တဲ့အထိ မဟုတ်... အဆင်ပြေပြေလေး နေနိုင်ခဲ့တာ... လွန်ခဲ့တဲ့ကာလတုန်းက စီးပွားရေးကပ်ဆိုလား ဆိုက်လို့ နိုင်ငံတိုင်းက အလုပ်သမားတွေ လျှော့ချတဲ့ထိ ဖြစ်ကုန်တာ သူတို့ မြို့မှာ ... သူလည်းအဲဒီလျှော့ချတဲ့ထဲ ပါခဲ့တာ လက်ရှိအလုပ်က ထွက်ခဲ့ရလို့ အလုပ်ပြောင်းခဲ့ရတာ ခုလို အခြေအနေပေါ့..... ပြသာနာများ အပေါင်းအဖော်နဲ့ လာတယ်ဆိုတာ ဂျွန် အတွက် သွေးထွက်အောင်ကို မှန်လွန်းလှချည်ရဲ့.... အမွေရထားတဲ့ တိုက်ခန်း မီးလောင်တဲ့အထဲ ပါသွားတာ အာမခံ မလုပ်ထားလို့ အလျော်တစ်ပြားတစ်ချပ်မှ မရလိုက်....
သူ ထပ်မတွေးချင်တော့... အိမ်ပြန်ဖို့ စဉ်းစားလိုက်သည် သို့သော် ငြူစူ မဲ့ရွဲ့နေမည့် မိန်းမ မျက်နှာကို သူ မကြည့်ချင်တော့ ကလေးတွေ ...... စတဲ့ စတဲ့ အရာတွေကို ခဏတဖြုတ်ဖြစ်ဖြစ် သူ မေ့ထားလိုက်ချင်ပြီ ... ဒါနဲ့ပဲ လောက စည်းစိမ်ဆိုလား လူချမ်းသာတွေရဲ့ ထားစရာနေရာတောင် မရှိလို့ သုံးဖြုန်း ဇိမ်ခံနေရတဲ့ အရာတွေဆိုလား အဲဒါတွေနဲ့ သူ့ လက်ရှိ ဘ၀ကို မေ့ဆေး ခဏ ပေးဖို့ သူ ဆုံးဖြတ်လိုက်ပြီ.... အဲဒါနဲ့ပဲ...
မြို့ကြီးတစ်ခုကို သူ သွားတယ်...... အဲဒီနောက်မှာ နောက်ဆုံးပေါ် မော်ဒယ် အမြင့်ဆုံး ဇိမ်ခံကား တစ်စီးကို သူငှားလိုက်တယ်... နာမည်ကြီး ဟိုတယ်တစ်ခုမှာ သူ တည်းခိုလိုက်တယ်.... ဈေးအကြီးဆုံး ကောင်းပေ့ ညွန့်ပေ့ ဆိုတဲ့ အရက်ပုလင်းထဲမှာ သူလိုချင်တဲ့ စိတ်ကူးအိပ်မက်တွေနဲ့ အတူ သူ့ကိုယ်သူပါ စီးမျောပစ်လိုက်တယ် ... ပြီးတော့ သူ့ ကိုယ်ကျင့်တရား အချို့ကိုပါ သူ အရက်နဲ့ မြည်းချင်လာတယ်... အဲဒီအတွက် ဟိုတယ် ၀န်ထမ်း တစ်ယောက်ကို ဘောနပ်စ် ပေးပြီး သူ လိုချင်တဲ့ အမြည်းကို သေချာ မှာလိုက်တယ်.... သူ့ ကိုယ်ကျင့်တရားတွေ အရည်ဖျော်ဖို့အတွက် အကောင်းဆုံးအမြည်းကို ဟိုတယ်ဝန်ထမ်းလေးက ပါးနပ်စွာ ယူဆောင်လာတယ်လေ...
သူ ဘောနပ်စ် ထပ်ပေးလိုက်ရင်း ဟိုတယ်ဝန်ထမ်း ကောင်လေး ကို မျက်လုံး တစ်ဖက်မှိတ်ပြလိုက်သည် ..... သူ ပထမ အကူအညီတောင်းခိုင်းတဲ့ ကောင်လေးတော့ မဟုတ်.. နောက်တစ်ယောက်ဖြစ်သည်.. ကိတ်စမရှိ.. ခုချိန်မှာ သူ....အရာရာကို ငွေနဲ့ ပဲ လမ်းခင်းချင်နေတာလေ.......အဲဒီနောက်မှာတော့ ကောင်လေး ခေါ်လာခဲ့ပေးသော ပူစီမလေးနဲ့အတူ.. သူ့ဘ၀ရဲ့ paradise ဟု သူ တပ်ထားသော ခေါင်းစဉ်အောက်တွင် သူကိုယ်တိုင် ... .... .... .... ..... ....
အောက်သိုးသိုး စိုထိုင်းထိုင်း အနံ့တစ်ခု ကို ဂျွန် ခံစားမိသည်.....နာမည်ကြီး ဟိုတယ်တစ်ခုအနေနဲ့ ဒီလို မဖြစ်သင့်ဟု ဂျွန် တွေးနေသည် ... အိပ်ရာမှ ထရန် သူ ကြိုးစားလိုက်သည်.... ဟင် ခနဲ နေအောင် သူ အံ့သြသွားသည် ... မအံ့သြ ခံနိုင်ရိုးလား ... သူ တည်း ခဲ့တာ ကြယ်သုံးပွင့်ဟိုတယ်ကြီးမျိုးပါ... ခု.ရောက်နေတဲ့ နေရာကား ရိုးရိုး မိုတယ် တစ်ခုနှင့် မခြား ဟောင်းနွမ်းနေသော အခင်းအကျင်းများ.. ကိုတွေ့ လိုက်ရသည်...
ရုတ်တရက် မှင်သက်နေရာမှ ဂျွန် တစ်ခုခုကို သတိရလိုက်ပြီး....ဘေးပတ်လည်ကို ကယောင်ကတမ်း လှမ်း ကြည့်လိုက်သည်.... ထင်ထားသည့်အတိုင်းပင် ငွေများထည့်ထားသော အိတ်မှာ မရှိတော့... သူ ထူပူစွာဖြင့် အိပ်ရာမှထလိုက်သောအခါတွင် ....သူ့ခါးတစ်ဝိုက်တွင် အောင့်ခနဲနာကျင်မှုကို ခံစားလိုက်ရသည်... နံရံကပ်နာရီမှ အချက်ပေးသံကား လက်တံတို ၉ ကို အရောက်တွင် မြည်လာသည် ... နာရီထဲတွင် နေ့ရက်စွဲ ဘယ်နှစ်ရက်ဆိုတာပါ သဖြင့် သူ ရုတ်တရက်ကြည့်လိုက်ရာ နေ့စွဲမှာ 10 Oct ဟု ပြနေသည်... သူ ဟိုတယ်မှာ တည်းခဲ့တဲ့ ပထမဆုံးနေ့ကမှ 7 Oct ပဲ ရှိသည်... နာရီများ စက်ချို့ယွင်းတာလား....ဒါမှမဟုတ် သူ သုံးရက်လုံးလုံး အိပ်ပျော်နေ ခဲ့သည်လား.......
ဝေခွဲရခက်စွာဖြင့် သူ အခန်းတံခါး ဖွင့်ရန် ထွက်သွားဖို့လုပ်သည် ... ခါးက တဖြည်းဖြည်း ပိုနာလာသလို ရှိသည်.... အောက်ဆင်းဖို့ သူ ဓါတ်လှေကားဆီ သွားနေတုန်း သူ့ခါးက မခံမရပ်နိုင်အောင် နာလာသည်... သူ ဖြည်းဖြည်းချင်း ခြေတစ်လှမ်းချင်း လျှောက်တော့မှ နည်းနည်း သက်သာသလို ရှိသည်... ပျောက်ကား မပျောက်သေး... ခပ်ညံ့ညံ့မိုတယ်တစ်လုံးရဲ့ ဓါတ်လှေကားကား တ အိ အိ တ ကျွိ ကျွိ မြည်ရင်း အောက်ဆုံးထပ် ရောက်လာသည်....
Receptionကို တွေ့သည်နှင့်... သူသိချင်ဇောဖြင့် ခပ်သွက်သွက် လှမ်းလိုက်ရာ..... အားခနဲ သူ အော်လိုက်ပြီး ခါးကိုကိုင်ရင်း ပုံစံပျက်သွားသည်...လဲမကျသော်လည်း ဇောချွေး အတန်ငယ်ထွက်လာသည်... အနီးအနားမှ လူတစ်ယောက်က သူ့ကို ကူတွဲပေးသည်... သူ အတွဲ မခံတော့ပဲ....ခပ်မြန်မြန် အနားမှာ ရှိတဲ့ ခုံတစ်လုံးမှာ ထိုင်လိုက်သည်... ဒုတိယအကြိမ် အလိမ်အညာမိ မခံနိုင်တော့ဘူးလေ..
သူ့ခါးမှာ ဆိုးဆိုးဝါးဝါး တစ်ခုခုများ ဖြစ်ထားမလားဟု သူ သင်္ကာမကင်း ဖြစ်နေပြီ... ခါးနာရအောင်လည်း ဘာနှင့်မျှ မထိခိုက်မိ... အတန်ငယ်ကြာတော့ ဂျွန် တစ်ယောက် မနေနိုင်တော့ သူ့သံသယများ ငယ်ထိပ်တက်ဆောင့်နေပြီ...အကျီကို တ၀က်ခန့် မတင်လိုက်ပြီး သူ့ခါးကို လက်နှင့်အသာ စမ်းကြည့်လိုက်မိသည်... ညာဘက်ခြမ်းအရောက်... သူ မာမာဖုဖု အရာတစ်ခု စမ်းမိ သလိုရှိပြီ...... သေချာအောင် သူ့ ညာလက်ကို အသာမြှောက်ပြီး ခေါင်းကို ညာဘက် လှည့်ကြည့်လိုက်သည်......
......သူ တွေ့လိုက်သည်မှာ လက်စလက်န သိပ်မသေသပ်တဲ့ ချုပ်ရိုးတစ်ခု......................
နွေခေါင်ခေါင် မိုးကြိုးပစ်သလို ဂျွန် ခံစားလိုက်ရသည်.....
အဲဒီနောက်....သူ.... ခြေကုန်လက်ပန်းကျ..... နောက်မှီချလိုက်ကာ ယောက်ျားတန်မဲ့ သူ ရှိုက်ကြီးတငင် ငိုချလိုက်တော့သည်..... သူ တစ်ခါမှ မမက်ဖူးသော အိပ်မက်ဆိုး တစ်ခု သူ့ဘ၀တွေ ဖြစ်ခဲ့သည်... သူ ဘယ်လိုမှ မယုံနိုင် မယုံချင်သော်လည်း .... ဘာမျှမတတ်နိုင်ခဲ့... ဘ၀တွင် တခါမှ မကြုံဖူးသော အရာတစ်ခုအတွက် သူ ဘယ်လိုမှ ယူကြုံးမရခဲ့.... နလန်မထူနိုင်အောင် အလဲထိုးရက်သော.... ကံတရား... အားအင်များကုန်ခမ်းကုန်သည်အထိ.....သူ အားပါးတရ တဘ၀စာ အတွက် ငိုခဲ့ရတယ် (သူခိုးလက်က သူဝှက်လုတဲ့အဖြစ်မှာ ... အဆစ်ပါသွားခဲ့ရတဲ့ မိမိကိုယ်ပိုင်ပစည်းအတွက် ဂျွန် တစ်ယောက် ယူကျုံးရနိုင်တော့မည်မထင် )
.....တာဝန်ရှိသူများရဲ့ အကူအညီ နဲ့ ဂျွန် တစ်ယောက် ဆေးရုံတစ်ခုမှာ USG (Ultrasound) ရိုက်ရသည် ..Result ပုံမှာတော့.... ဂျွန်ရဲ့ ညာဘက် ကျောက်ကပ်တစ်လုံး မရှိတော့ပါ...........
....အတော်အတန် ခေတ်စားခဲ့သော မာဖီးယား ဂိုဏ်းတို့ ရာကူဇာ ဂိုဏ်း တို့လိုမျိုး ယခုလည်း ကျောက်ကပ် ခိုးထုတ်တဲ့ အဖွဲ့အစည်းများ မှောင်ခိုအဖွဲ့ကျနေချိန်တွင် ဂျွန် မှာ ကံဆိုးသူ မောင်ရှင် ဖြစ်သွားရခြင်းဖြစ်သည်...
P.S - ပြင်သစ်နိုင်ငံတွင် ပူစီမလေးနဲ့ အပျော်လွန်ကာ သုံးရက်ခန့် အိပ်ပျော်နေပြီးမှ ကျောက်ကပ် ခိုးထုတ်ခံရမှန်း သိသော လူတစ်ယောက် အသည်းအသန် ငိုကြွေးခဲ့ရသည့် ဖြစ်ရပ်မှန်ကို အခြေခံပြီး ဇာတ်လမ်းဆင် ရေးသားထားခြင်း ဖြစ်ပါသည်...
ချစ်ခင်လေးစားလျက်
မြရိပ်ဇင် (ဆေး-၂)
10-Dec-2012, 9:42 pm (Myanmar)
